Un taller onde aprenderemos as bases da danza club Waacking, unha forma de danza urbana creada nos clubes de música disco durante os anos 70. Faremos unha pequena introdución teórica á súa historia, o seu contexto cultural actual en España e no mundo, e as bases sobre as que se cimenta esta cultura. 

Repasaremos as técnicas que entendemos como bases do Waacking. A técnica de brazos para acadar precisión, rapidez e complexidade no noso baile, o groove como conexión coa esencia musical, as poses como construción dunha personaxe e o entendemento e analise da música Disco como guía conductora da nosa improvisación dentro desta danza. Ademais de traballar o empoderamento a través do movemento e a confianza á hora de improvisar, dous pilares intrínsecos a esencia do Waacking.